Seçkilərin Monitorinqi və Demokratiyanın Tədrisi Mərkəzi sosial şəbəkələrdə vətəndaşların istirahət hüququ ilə bağlı sorğu keçirib. Azərbaycanda istirahət hüqunun pozulmasına reaksiya olaraq keçirilən sorğu Twitter və Facebook üzərindən aparılıb. SMDT-nin Facebook hesabında aparılan sorğuda 128 istifadəçi iştirak edib. Onlardan 84%-i istirahət hüququnda istifadə edərək tətilə çıxa bilmədiyini, 16 %-i isə çıxa bildiyini qeyd edib.
Twitter üzərindən aparılan sorğuda da nəticələr fərqli olmayıb. Səsvermə prosesində iştirak edən 49 istifadəçinin 53%-i tətilə çıxa bilmədiyini qeyd edib. Digər səsvermə iştiakçılarından 24%-i 3-5 gün, 14%-i 15-20 gün, 8%-i isə 7-10 gün müddətində istirahətə çıxa bildiklərini qeyd edib.
Qeyd edək ki, 19-20 oktyabr tarixlərində keçirilən etiraz aksiyalarından sonra sərbəst toplaşmaq azadlığının istirahət hüququnu pozduğu haqda fikirlər səsləndirilmişdi.
