Seçkilərin Monitorinqi və Demokratiyanın Tədrisi Mərkəzi 2022-ci ildə mülki və siyasi hüquqların pozuntuları üzrə qeydə alınmış hallara dair illik fakt-xülasə paylaşıb.
Sənəddə SMDT təəssüflə bildirir ki, Azərbaycan Respublikasında insan hüquqlarının müdafiəsi sahəsində əvvəlki illərdə qeydə alınan problemlər 2022-ci ildə də müşahidə olunub. 2022-ci ildə də ötən illərdə olduğu kimi vətəndaşlar tənqidi çıxışlarına görə təhdid və təzyiqlərə məruz qalıblar, dinc aksiyaların qarşısı mütəmadi olaraq alınıb, hökumətin tənqidçilərinə qarşı təqiblər davam edib.
SMDT il boyunca ümumilikdə 229 hal əsasında mülki və siyasi hüquqların dəyərələndirlməsini aparıb. Bu hallar arasında ədalətli mühakimə və məhkəmə araşdırması hüququ, sərbəst toplaşmaq azadlığı, ifadə azadlığı kimi hüquqların pozulması üstünlük təşkil edib.
SMDT hesab edir ki, mülki və siyasi hüquqların müdafiəsi üzrə vəziyyətin təkmilləşməsi, habelə insan hüquqlarının müdafiəsi sahəsində mövcud siyasi böhranın aradan qalxması üçün dövlət orqanları ilkin olaraq Azərbaycanda məhkəmə-hüquq sisteminin müstəqilliyinin təmin olunması ilə bağlı Avropa Şurası Nazirlər Komitəsinin tövsiyələrini icra etməli, Avropa İnsan Hüquqları Məhkəməsinin qərarlarının icrası ilə bağlı siyasi iradə nümayiş etdirməlidir.
SMDT siyasi hakimiyyətə çağırış edərək, vətəndaşların ifadə azadlığı, sərbəst toplaşmaq və birləşmək azadlıqlarının müdafiəsi ilə bağlı AİHM-in müvafiq qərarlarından irəli gələn müddəaları icra etməyi, “Media haqqında“, “QHT- lər haqqında” və “Siyasi partiyalar haqqında” qanunların Avropa Şurası və ATƏT standartları əsasında təkmilləşdirməyi tövsiyyə edir.
Hesabatla ətraflı burdadan tanış ola bilərsiniz
