Seçkilərin Monitorinqi və Demokratiyanın Tədrisi Mərkəzi BMT-nin İnsan Hüquqları Şurasının Universal Dövri İcmal (UDİ) prosesinə vətəndaş cəmiyyəti təşkilatlarının təqdimatlarının hazırlanmasına yardım məqsədilə məlumatlar toplusu hazırlayıb.
Xatırladaq ki, Azərbaycanla bağlı İnsan Hüquqları Şurasında UDİ çərçivəsində növbəti – dördüncü dönəm dəyərləndirmə 6-17 noyabr 2023-cü ildə baş tutacaq. Bu tarixədək Azərbaycan hakimiyyəti müvafiq Milli Hesabatı 7 avqust 2023-cü ilədək təqdim etməlidir. Eyni zamanda vətəndaş cəmiyyəti təşkilatları UDİ kriteriyalarına uyğun şəkildə fərdi və kollektiv təqdimatları 5 aprel 2023-cü ilədək göndərə bilərlər.
SMDT bu topluya UDİ üçün təqdimatların hazırlanması şərtləri, məlumatların toplanması və işlənməsi, tövsiyyələrin hazırlanması qaydaları barədə məlumatlar daxil edib.
Məlumatlar Toplusu ilə daha ətraflı buradan tanış ola bilərsiniz.
