SMDT yeni dəyərləndirmə sənədini yayıb
Sənəddə yerli icma maraqları yönündə çalışan qrupların ehtiyacları və fəaliyyət imkanlarından bəhs olunur
Seçkilərin Monitorinqi və Demokratiyanın Tədrisi Mərkəzi yerli icmaların maraqları yönündə çalışan qruplar və təşkilatların ehtiyaclarını və yerli idarəçilikdə iştirak imkanlarını barədə keçirdiyi sorğunun nəticələrinə dair Dəyərləndirmə sənədi yayıb.
2022-ci ilin dekabrında keçirilən sorğunun məqsədi yerli icma maraqları naminə çalışan qruplar və təşkilatlarının üzləşdiyi çətinlikləri öyrənmək, yerli icma təşkilatlarının fəaliyyətinə əngəlləri araşdırmaq, bu qrupların spesifik ehtiyacları barədə ictimaiyyəti məlumatlandırmaqdır. Sorğuda ölkənin 23 şəhər və rayonunda yerli icma maraqları naminə çalışan 41 qrup və təşkilatın təmsilçisi iştirak edib. Ölkənin iki iqtisadi rayonu – Naxçıvan və Şərqi Zəngəzur istisna olmaqla digər iqtisadi rayonlarına mənsub qrup və təşkilatların iştirakını təmin etmək mümkün olub.
Sənədlə daha ətraflı buradan yükləməklə tanış ola bilərsiz.
